Нотариуслар эшендә яңа кагыйдәләр үз көченә керде
Үзгәрешләр гражданнарның мираска хокукын гадиләштерелгән тәртиптә һәм тизрәк расларга мөмкинлек бирәчәк.
(Казан, 5 июль, «Татар-информ»). Бүгенге көннән нотариуслар эшендә яңа кагыйдәләр үз көченә керде. Үзгәрешләр гражданнарның мираска хокукын гадиләштерелгән тәртиптә һәм тизрәк расларга мөмкинлек бирәчәк. Бу хакта ТАСС агентлыгы Федераль кадастр палатасының матбугат хезмәтенә сылтама белән хәбәр итә.
«Нотариусның Бердәм дәүләт күчемсез милек реестрыннан мөстәкыйль рәвештә соратып алырга хокукы булган мәгълүматлар исемлегенең киңәюе мирас эшләрен алып бару өчен кирәкле документларны алу мәсьәләсен варисларның арадашлык итүеннән башка гына җайга салырга мөмкинлек бирә.
Нотариус мәгълүматларны кәгазьдә яки электрон рәвештә соратып алу хокукына ия», - дип искәртте Росреестрның Федераль кадастр палатасы башлыгы урынбасары Марина Семенова. Әйтик, гражданнар мираска хокукны рәсмиләштергәндә мираска хокукны раслый торган нотариаль таныклыкны гадиләштерелгән тәртиптә һәм тизрәк ала алачак.
Фото: pixabay.com/ru
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев