Өч ел эчендә Татарстанда 6 мең 638 авылда яшәүче әниләр түләүләр алды
Беренче һәм өченче бала туганда авыл хатын-кызлары бер тапкыр бирелә торган түләүләрне ала.
Агымдагы ел башыннан Татарстанда 2 мең 320 авыл кешесе бер тапкыр бирелә торган түләүне алды: 1909 – беренче бала туганда һәм 411 – өченче бала туганда. Бу хакта ТР Хезмәт, мәшгульлек һәм социаль яклау министрлыгы матбугат хезмәте хәбәр итә.
«2018 елның 1 гыйнварыннан Татарстанда авыл җирендә беренче һәм аннан соңгы балалар тууны өстәмә стимуллаштыру чаралары кертелде. Татарстан территориясендә кимендә өч ел авылда даими яшәүче хатын-кызларга бирелә», - дип искәрттеләр министрлыкта.
Беренче бала туганда 25 яшькә кадәрге хатын-кызлар 50 мең сум күләмендә акча ала. Гаиләдә өченче һәм аннан соңгы бала туганда 29 яшькә кадәрге аналар 100 мең сум күләмендә акча ала. 2018 елның 1 гыйнварыннан 2020 елның 1 ноябренә кадәр авылда яшәүче 6 мең 638 хатын-кыз әлеге түләүне алган.
Тулырак: ТИ
Фото: Владимир Васильев
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Комментарии
0
0
Мэсэлэн 33-34 яшьтэ алып кайтса оченче баласын, ник бирелми, аларда ана бит?
0
0