Путин ике һәм аннан да күбрәк балалы гаиләләр өчен еллык түләүне раслады
Россиядә ике һәм аннан да күбрәк балалы гаиләләр ел саен түләү ала башлаячак. Бу турыдагы законны РФ Президенты Владимир Путин имзалады.
Түләүне ил территориясендә даими нигездә эшләүче, яшәүче һәм салым резидентлары булган, аларның керемнәреннән физик затларның кеременә салым (НДФЛ) түләнгән Россия гражданнары алачак.
«Түләү алу хокукы гаиләнең җан башына уртача кеременең күләме түләү алу өчен гариза бирүченең тору яки яшәү урыны булган Россия Федерациясе субъекты буенча билгеләнгән җан башына яшәү минимумыннан 1,5 тапкырдан артмаган очракта барлыкка килә», - дип билгеләп үтелә текстта.
Акчаны 18 яшькә кадәрге яки көндезге бүлектә укучы 23 яшькә кадәрге балаларның әти-әнисе, уллыкка алучысы, тәрбиячесе яки опекунының икесе дә ала алачак. Түләү алу өчен гариза бирүченең алиментлар түләү буенча бурычлары булмаска тиеш.
Түләүнең күләме гариза бирүгә кадәрге ел өчен исәпләнгән НДФЛ суммасы (башка салым ташламаларын кулланмыйча) һәм шул ук керемнән 6 процентлы ставка буенча исәпләнгән сумма арасындагы аермага нигезләнеп исәпләнә. Нәтиҗәдә, гаилә түләгән НДФЛның 13 процентының 7 проценты кире кайтарыла булып чыга.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев