Татарстанда пандемия аркасында ялган дарулар әйләнеше артты
2019 елда эчке эшләр министрлыгы хезмәткәрләре теркәлмәгән препаратлар һәм медицина әйберләре әйләнешенең өч очрагын ачыклаган, хәзерге вакытта алты тапкырга күбрәк теркәлгән инде.
Татарстанда бер ел эчендә теркәлмәгән дарулар һәм медицина әйберләре сатуның тугыз очрагы ачыкланган, бу узган ел күрсәткечләреннән артып китә. Бу хакта матбугат конференциясендә ТР буенча Эчке эшләр министрлыгының Икътисади куркынычсызлык һәм коррупциягә каршы көрәш идарәсе башлыгы Дмитрий Козлов сөйләде.
«Агымдагы елда сәламәтлек саклау өлкәсендә, барыннан да элек, коронавирус йогышы белән бәйле ситуацияне исәпкә алып, эш көчәйтелде. Көн саен чаралар үткәрелә, атна саен җитәкчеләргә җиткерелә. Инде дару әйләнеше белән бәйле тугыз очрак ачыкланган, икесе буенча судта гаепләү карары чыгарылган", - дип билгеләп үтте спикер.
Узган ел эчке эшләр министрлыгы хезмәткәрләре ялган дарулар һәм медицина әйберләре җитештерүнең өч очрагын һәм аларның Татарстанда әйләнешенең шул кадәр үк очрагын ачыклаган.
2020 елда, әйтик, Түбән Кама районында вируска каршы популяр дарулар сатучыларны җинаять җаваплылыгына тартканнар. Тоткарланган вакытка мошенниклар якынча 115 мең сумлык "даруларын" сатарга өлгергән. Суд карары буенча барлык контрафакт продукция юкка чыгарылды.
Республикага ялган дарулар Мисыр һәм Төркиядән керткәннәр.
Дмитрий Козлов 2020 елда хокук бозулар препаратларга гына түгел, медицина эшләнмәләренә дә кагылды, дип билгеләп үтте. Ул республикада коронавируска ялган тестлар сату факты турында искәртте.
Тулырак: ТИ
Фото: Солтан Исхаков
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев