Татарстанда пассажир йөртүчеләргә бер ел эчендә 24 млн сум штраф салганнар

Татарстанда 2019 елда пассажирлар йөртү кагыйдәләре бозылган өчен 24 млн сумга якын штраф салынган. Бу хакта ТР Дәүләт Советының 11 нче утырышында транспорт өлкәсендә күзәтчелек буенча федераль хезмәтнең ТР буенча идарәсе башлыгы — баш дәүләт инспекторы Борис Смирнов хәбәр иткән.

«ЮХИДИ белән берлектә Татарстан территориясендә пассажирлар йөртүне гамәлгә ашыручы транспорт чараларына тикшерүләр үткәрелде. 563 транспорт чарасы тикшерелде, 532 хокук бозу очрагы ачыкланды. Ягъни һәр транспорт чарасында диярлек без тәртип бозуларны ачыклыйбыз», - дип сөйләгән нотыкчы.

Борис Смирнов ассызыклаганча, төп һәм иң зур зыян — хезмәт һәм ялны бозуны тәшкил иткән 36%. «Пассажир йөртүчеләрнең сәламәтлегенә китерелгән зыян өчен гражданлык җаваплылыгын мәҗбүри иминләштерү буенча Федераль закон таләпләрен үтәмәве — 25%, лицензиясез эшчәнлекне гамәлгә ашыру — 17%, маршрут картасы булмау — 6%, транспорт чараларының техник торышына рейс алды контроле булмау — 5% һәм машина йөртүчеләргә — 6%», - дип өстәгән ул.

Идарә башлыгы сүзләренә караганда, хокук бозуларның төп өлеше Казанга (49%) һәм Яр Чаллыга (17%) туры килә. «Заказ буенча пассажирлар ташу секторы проблемалы мәсьәлә булып кала бирә, анда законнарның камил булмавы сәбәпле, конкурс процедураларын узып, намуссыз йөртүчеләр тарафыннан Россия буенча да, безнең республикада да даими маршрутларны алмаштыручы тулы бер йөк ташу базары оештырылды», - дигән ул.

Нотыкчы Казанда тимер юл вокзалы, «Кольцо» сәүдә үзәге, Совет мәйданы янында санкцияләнмәгән рәвештә пассажирлар утырту урыннары бетерелүен искәртте. «2018 елда муниципалитетлар территорияләрендә урыннар исемлеге расланган иде, билгеләнгән урыннардан бер үк автобусны өч тапкыр җибәрү тыелды», - дип дәвам иткән ул.

Борис Смирнов бу карарга Казан, Зәй, Лениногорск, Түбән Кама, Нурлат һәм Алексеевск гына эләгүенә зарланган. «Калган муниципаль берәмлекләр бу мәсьәлә белән эш итүне я мөһим түгел, я кирәксез дип саный, ә без административ җаваплылыкка тарта алмыйбыз», - дип билгеләп үткән ул.

Яр Чаллыда заказ буенча пассажирлар ташу секторында гамәлдәге кагыйдәләргә тулысынча игътибар итмәү күзәтелә, дип белдергән идарә башлыгы. «Өстәвенә, автовокзал территориясендә булган җәнҗаллар һәм ачлыклар фонында заказ буенча пассажирлар ташу базары чәчәк ата. Моннан тыш, заказ буенча автобусларны җибәрүнең тагын бер пункты — Тынычлык проспектында — барлыкка килә. Шәһәр Башкарма комитетының хәзерге вакытка кадәр заказ буенча автобусларны айга өч тапкырдан артык җибәрү тыелган урыннарны билгеләмәгән позициясе аңлашылмый кала, бу исә күзәтчелек органнарына административ йогынты чараларын адекват кулланырга мөмкинлек бирми», - дип билгеләгән ул.

Борис Смирнов фикеренчә, легаль булмаган рәвештә пассажирлар йөртү өлкәсендә бары тик бер шәһәрдә генә тәртип урнаштыру бик авыр. «Әлеге мәсьәләләрне барлык муниципаль берәмлекләргә дә бер үк җаваплылык белән карарга кирәк», - дигән ул.

Татарстан Республикасы Министрлар Кабинеты Аппараты җитәкчесе Шамил Гаффаров республика Хөкүмәтендә заказ буенча пассажирлар белән эшләү буенча аерым комиссия төзелүен искәрткән, әлеге комиссия инде өч ел эшли.

 «Бер теләк — кече һәм урта бизнеска ярдәм итү, әмма хокукый, законлы нигезләрдә. Заказ буенча пассажирлар йөртүчеләр медицина тикшерүе узмый, күпчелек автобуслар җиһазландырылмаган, ташуга лицензияләр юк. Бу сорау бөтенебезгә, муниципалитетларга гына түгел, моны хуплаучы кешеләргә дә кагыла. Без хокукый механизм яклы, заказ буенча йөк ташу хезмәте күрсәтүче кече бизнес белән эш нормаль алып барылсын өчен. Тагын бер кат заказ буенча хезмәт күрсәтүче эшмәкәрләрне чакырырга, цивилизацияле эшләргә мөмкинлек бирүче нинди дә булса карарлар кабул итәргә әзербез», - дип нәтиҗә ясаган ул.

Фото: pixabay.com/ru