Техник карау хокукын ЮХИДИга кайтарырга уйлыйлар
Дәүләт Думасы депутаты техник карауны Дәүләт автоинспекциясенә тапшыруны тәкъдим итте.
(Казан, 12 декабрь, “Татар-информ”, Виктория Елфимова). Дәүләт Думасы депутаты Евгений Марченко парламент утырышында ЮХИДИга техник карау хокукын кайтаруны тәкъдим итте. Бу хакта “Мәскәү” агентлыгы хәбәр итә.
“Техник карау хокукы иминият компанияләре карамагына бирелгәннән соң, бөтен ил техник карау үтми генә әлеге диагностик карталарны бара да сатып ала. Биредә чыгу юлы бер генә: техник карауны Дәүләт автоинспекциясенә кайтару”, - диде депутат.
Марченко шулай ук әлеге үзгәрешнең уңай ягына игътибарны юнәлтә. ЮХИДИ техник карау үткәргәндә, аның сыйфаты сизелерлек яхшыра, ә дәүләт бюджеты тулылана, дип белдерә.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев