Тозакка эләккән: машинасы да, акчасы да юк

Ильнур, 11 август 2015 - 10:51

2495

25 яшьлек әлмәтле бушка игъланнар бирү сайтында 2012 елгы "Киа Рио" автомобиле сатылу турында хәбәргә юлыга һәм бик үкенә...

Тозакка эләккән: машинасы да, акчасы да юк

270 мең сум сораган "хуҗа" белән шунда ук элемтәгә дә керә. Анысы, үз чиратында, кичекмәстән әнисенә кыйммәтле операция ясарга акча кирәклеген, шуңа күрә автомобиле өчен зур булмаган бәя соравын әйтә. Берни дә сизенмәгән егеткә 40 минут эчендә 10 мең аванс күчерсә, игъланны сайттан алачагын вәгъдә итә.

Күрсәтелгән номерга акча салганнан соң, "сатучы" телефонга җавап бирүдән туктый. Кырыгалдарларга юлыгуын аңлаган егет хокук саклау органнарына мөрәҗәгать итә. Хәзерге вакытта Әлмәттә тикшерү эшләре бара.

Чыганак: Татаринформ

Фото: http://ahtubatv.ru/news/lovil_svoih_zhertv_na_ob_o_prodazhe_mashinyi