19 март көнне Балтач диңгезчеләре бәйрәм итәчәк

19 март һәммәбез өчен дә кадерле һәм күркәм бәйрәм – илебезнең хәрби Су асты көймәсендә хезмәт итүчеләр көне.

Без гаять тә тирән диңгез, океан су асларында хәрби бурычыбызны лаеклы рәвештә үтәп, Ватан алдында батырлыкка тиң хезмәт күрсәткән ир-егетләр, горур диңгезчеләр! Ил чикләрен иксез-чиксез, хәтта төпсез зур су асларында саклау ул кыюлык кына түгел, ул батырлык һәм горурлык та.

Бәйрәм белән сезне, мөхтәрәм райондашлар! Хезмәт иткән еллар хатирәсе чәчләребезгә ак төсләр булып уелып калса да, күңелләребез һәрчак көр, дөньяларыбыз тыныч, гаиләләребез имин булсын. Һәрбарчагызга да ныклы сәламәтлек, бәрәкәтле, тигез тормыш телим.

19 март көнне сәгать 9да су асты көймәсендә хезмәт иткән батыр йөрәкле иптәшләрне, безгә теләктәшлек белдерүчеләрне «Ватан сакчылары» паркында диңгезчеләр флагын күтәрергә чакырып калам.

Наил Хөснетдинов,
диңгезчеләр җәмгыяте рәисе