Хезмәт

Балтач районы

16+
Көн темасы

Алар безнең иминлекне саклый

27 март Россия Федерациясенең милли гвардия гаскәрләре хезмәткәрләре үзләренең һөнәри бәйрәмен билгеләп үтә

2016 елның 5 апрелендә Россия Федерациясенең Президенты указы нигезендә Россия Федерациясенең Ведомстводан тыш сак Росгвардия структурасы төзелде. Бүгенге көндә илнең Ведомстводан тыш сак Росгвардия структурасы эчке тотрыклылык тәртибен тәэмин итә, террорчылыкка һәм экстримизмга каршы көрәшә, физик һәм юридик затларның милкен, тормыш-көнкүрешне тәэмин итү объектларын, гражданнар күп була торган урыннарны, мөһим дәүләт объектларын саклый.

Бу объектлар арасында Балтач районы башкарма комитеты карамагындагы биналар, тарихи һәм мәдәни мирас объектлары, мәгариф, медицина учреждениелары, корал саклау бүлмәләре һ.б. бар.

Моннан тыш, сакчылык бүлеге, янгын сүндерү һәм «тревога» сигнализациясе эшләү турындагы хәбәрләргә оператив җавап бирүне тәэмин итә. Җәмәгать тәртибен саклауны һәм патрульлек (хәрәкәт) маршрутларында җәмәгать куркынычлыгын тәэмин итүдә катнаша (вәкаләтләр кысаларында). 

Районда бүгенге көндә 230дан артык объектны саклау буенча хезмәт күрсәтелә, шуның 127се фатир, гражданнарның яшәү һәм милкен саклау урыннары. Көн саен тәүлек буе эшли торган режимда 1 мобиль тоткарлау төркеме кизү торырга чыгарыла. Заманча технологияләрне куллану хисабына маршрутлар дөрес төзелгәнлектән, ведомстводан тыш сак экипажлары хәвеф турында хәбәр килгән урыннарга санаулы минутлар эчендә килеп җитәләр. Шул ук вакытта алар җәмәгать тәртибен һәм гражданнарның куркынычсызлыгын тәэмин итеп, урамнарга патрульлек тә итәләр. 

2024 елда гына да ведомстводан тыш сак бүлегенең тоткарлау төркеме 466 тапкыр «тревога» сигналлары буенча һәм 15 тапкыр — Россия Эчке эшләр министрлыгының Балтач районы буенча бүлегенең кизү бүлеге гаризалары буенча урыннарга чыкты.

Куркынычсызлык сагында торучы, торак һәм гражданнарнын мөлкәтен саклаучы техника даими камилләштерелэ. Практикада «тревога» кнопкасынын спутник навигация системасы мәгълүмәтләрне тапшырунын чыбыксыз технологияләре киң кулланыла.
Иң катлаулы һәм куркыныч ситуацияләрдә гамәлләрнең жайга салынуы безнең хезмәткәрләрнең югары профессионал булуларын исбатлый. Бүгенге көндә Ведомстводан тыш сак Росгвардия структурасына армиядә хезмәт иткән, урта белемле, сәламәтлеге буенча яраклы, хөкем ителмәгән гражданнар кабул ителә.

Язмамның ахырында, барлык ведомстводан тыш саклау бүлегендә эшләүче хезмәткәрләрне, ветераннарны бәйрәм белән тәбрик итәбез. Армый — талмый, үз эшегезгә тугры калып хезмәт итүегез өчен Сезгә чын күңелдән рәхмәт! Киләчәктә дә алга куелган җаваплы бурычларны намус белән үтәрсез дип ышанып калабыз. Сезгә тыныч күк йөзе, ныклы сәламәтлек, күңел күтәренкелеге, гаиләләрегезгә иминлек һәм татулык телибез!

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев