Бәйрәм белән сезне, гүзәл затларыбыз!

Иң матур бәйрәмнәрнең берсе — 8 март — Халыкара хатын-кызлар көне яз башына туры килә, кояш нурлары җылырак бөркелгән, түбәләрдән тамчылар тама башлаган чак. Бу көн барыбыз өчен дә мөлаемлек һәм матурлык символына әверелде. Хатын-кызларыбыз алар тормышта иң яраткан һәм кадерле кешеләр. Һөнәри өлкәдә, бизнеста, сәясәттә, иҗтимагый тормышта зур уңышларга ирешәләр, әхлакый һәм рухи сыйфатлары белән тормышыбызны бизиләр. Иңнәрендә таулар өелеп торса да, гаилә, йорт, балалар — алар өчен беренче урында!

Районыбызның гүзәл ханымнары-туташлары! Сабырлык өлгесе булган әниләр, батыр йөрәкле ханымнар, уңган-булган туташлар! Күркәм бәйрәмегез уңаеннан сезгә ныклы сәламәтлек, күңел тынычлыгы, хәерле озын гомерләр телим. Һәрчак үзегезгә карата җылы ихтирам тоеп яшәгез, кадерле булып гомер итегез!

Рамил Нотфуллин,
Балтач муниципаль районы башлыгы