Балтач кызы «Татар кызы – 2026» республика бәйгесе җиңүчесе булды
Динә «Татар кызы» бәйгесенең Төркмәнстанда узачак дөньякүләм этабында Татарстан данын яклаячак
23 июнь көнне Әлмәтнең «Нефтьче» мәдәният сараенда республикакүләм «Татар кызы – 2026» бәйгесенең финалы узды. Анда Татарстанның төрле район һәм шәһәрләреннән 11 кыз катнашты.
Финалда райондашларыбыз – Балтач кызы Динә Зарипова, Көшкәтбаш кызы Гөлназ Әхмәдиева, Сосна кызы Сиринә Закировага уңышлар телибез.
Бәйгедә катнашучы кызларның һәрберсе дә махсус номинацияләрдә бүләкләнде. Әхмәдиева Гөлназ Мәлик кызы – «Иң сәләтле кыз», Зарипова Динә Азат кызы – «Иң ихлас кыз», Закирова Сиринә Илнар кызы – «Иң сөйкемле кыз» булып танылды.
Республикакүләм «Татар кызы» бәйгесенең төп җиңүчесе Балтач кызы Динә Зарипова булды. Котлыйбыз!
– Минем тормыш шигарем – үз максатыңа киң адымнар белән атлап бару. Рәхмәт остазларыма, Бөтендөнья татар конгрессына һәм беренче рәттә утырган гаиләмә», – диде Динә бүләкләнү мизгелләрендә.
Динә Зарипова «Татар кызы» бәйгесенең Төркмәнстанда узачак дөньякүләм этабында Татарстан данын яклаячак. Уңышлар телибез!
Фото: "Интертат", Милена Новикова
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев