Балтач мәктәбе укытучысы бөтенроссия бәйгесенең икенче турына узды
18 нче мартта бәйгенең беренче турына йомгак ясалды
17 нче мартта «Иң яхшы татар теле һәм әдәбияты укытучысы» бөтенроссия бәйгесенең йомгаклау этабы башланып китте.
Казан, Яр Чаллы, Түбән Кама, Алабуга шәһәрләреннән һәм Әлмәт, Азнакай, Бөгелмә, Мамадыш, Нурлат, Яшел Үзән, Кукмара, Саба, Балтач, Спас, Сарман, Тукай районнарыннан туган тел укытучылары 4 көн дәвамында Казан шәһәренең Ш. Мәрҗани исемендәге 2 нче гимназиясендә — быел ачылган «Остазлык мәктәбе» базасында көч сынашалар, тәҗрибә уртаклашалар.
18 нче мартта бәйгенең беренче турына йомгак ясалды. Алдагы этапта Татарстан Республикасының 13 укытучысы көч сынашачак. Алар арасында бәйгенең икенче турына узган Балтач урта гомуми белем мәктәбенең татар теле һәм әдәбияты укытучысы Хәйретдинова Гүзәлия Мөхәммәт кызы да бар. Гүзәлия Мөхәммәт кызына уңышлар телибез!
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Галерея
Оставляйте реакции
Нет комментариев