Бүген районда өмә

Оешмалар үз территорияләрен һәм дә аларга беркетелгән урамнарны чүп-чардан чистарталар. Үзәк юл кырыйларын да кышкы чүптән арындыралар. Шулай ук күп кенә оешмаларда агачларны агарталар, койма-баганаларны да буйыйлар.

Бүген "ак йорт" янына зәңгәр чыршылар утыртылачак. Берничә көн элек Балтачның үзәгендәге Район Советы һәм башкарма комитеты урнашкан, ягъни халык телендә «Ак йорт» дип йөртелүче бина каршындагы чыршыларны кискәннәр иде. Яшеллеккә күз ияләнгәнлектән, "ак йорт" янын чыршыларсыз кабул итеп бетереп булмый иде.