Газета укучыбыз кыйммәтле бүләк отты

«ТАТМЕДИА» җәмгыяте газета-журналларга язылу кампаниясе төгәлләнгәннән соң, абунәчеләр арасында лотерея уйнату традициясен дәвам итеп, язылучылар арасында җиңүчеләрне ачыклады.

«Язылган өчен 100 мең сум, телевизор һәм башка бүләкләр!» акциясе шартлары буенча, район газетасына һәм «ТАТМЕДИА»ның тагын кайсы да булса журнал яки газеталарына язылган квитанцияләрне нигезләмәдә күрсәтелгән адреска җибәрергә кирәк иде.  

Бүләк отучылар арасында райондашыбыз Хәбибуллина С.М. да бар. Ул электр иттаркычына лаек булды. Бәхетле райондашыбызны 2-62-46 телефоны аша  безнең белән элемтәгә чыгып, бүләкне алыр өчен редакциягә килүен көтеп калабыз.

Район тормышына кагылышлы иң мөһим яңалыкларны безнең Макс каналыннан да белә аласыз!