“Романтик”та саубуллашу кичәсе үтте

"Романтик" лагерында ял итүчеләр өчен быелгы җәй онытылмаслык мизгелләр белән истә калды, чөнки быел балалар төзекләндерелгән өр-яңа лагерьда ял итте. Биредә үткән һәр көн бер-берсен кабатламады. Очрашулар, ярышлар, конкурслар районыбызның төрле авылларыннан җыелган балаларны бер гаилә итеп берләштерде. Әйтергә кирәк, монда әйдәманнарның өлеше зур булды. Лагерь ябылу тантанасында аларның хезмәтләрен югары бәяләнде.

Балалар әти-әниләргә бик матур концерт тәкъдим итте. Бәйрәм чарасы нинди югарылыкта башланса, шундый нотада тәмамланды да.

Балалар ялдан бик канәгать калды. Исән-имин, хәвеф-хәтәрсез үткән смена өчен җитәкчеләр дә куануларын әйтте.

Сау бул, "Романтик", матур көннәр, кызыклы очрашулар, яңа дуслар өчен чиксез рәхмәт сиңа!

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.