Балтач мәктәбе укучылары прокурор ярдәмчесе белән очрашты (фото)

Балтач үзәк китапханәсенең уку залында Балтач урта мәктәбенең 10 сыйныф укучылары өчен Балтач районы прокуроры ярдәмчесе Гөлнара Галиуллина катнашында коррупция темасына багышланган «Бел һәм рөхсәт итмә!» эшлекле уен узды.

Беренче «Теоретик» этапта коррупциягә бәйле сүзләргә аукцион үткәрелде: укучылар коррупциянең төрләренә билгеләмәләр таптылар, бу тискәре күренешнең сәбәпләрен ачыкладылар, синквейннар төзеделәр.

Алга таба катнашучыларга коррупция төрләре буенча берничә ситуация тәкъдим ителде. Ахырда Гөлнара Миңнехаевна закон вәкиле буларак чыгыш ясап, ситуациядә катнашучыларның гамәлләренә комментарийлар бирде.