Иң яхшы спорт журналистына 60 яшь
- Әтием Гәрәйгә дә 85 яшь тула бит әле быел. Исән-сау гына булсын, ул әле дә безгә зур терәк. Аның аша эшкә өйрәндек, тормышның ачысын-төчесен танырга, киләчәккә көч табып яшәргә дә ул өйрәтте, - ди инде үзе оныкларын сөюче, ләкин һаман да әтисе өчен бала булып калучы Нурзада Сәмигуллин.
Татарстан журналистлар берлеге әгъзасы, Татарстанның иң яхшы физик культура хезмәткәре, «Мәгарифтәге казанышлары өчен» билгесе, ТР Мәгариф һәм фән министрлыгының Рәхмәт хаты, Бөтенрәсәй күргәзмәләр үзәгенең «Лауреат» медале, ТР Премьер-министры урынбасары, Авыл хуҗалыгы һәм азык-төлек министры, Татарстан милли көрәш федерациясе рәисе Марат Әхмәтовның Диплом иясе булып, 60 яшен хөрмәтле шәхес буларак каршы ала ул. Мәгариф, спорт, балалар ялы белән бәйле өлкәләрдә эшләп, ул һәркайсында үз эзен калдыра алды. Әйе, мәгариф өлкәсендәге барлык нечкәлекләрне дә, спорт дәрьясында нинди алым белән югарыда калып булганлыкны да, балаларның җәйге ялын ничек итеп оештырсаң, аларның сине яратып, икенче елга кабат очынып киләселәрен дә белә. Шуңа да дистә елдан артык «Романтик» лагереның алыштыргысыз җитәкчесе бит ул.
- Кулдан эш төшкән вакытлар бик күп, әмма аларны гел уйламаска тырышам, - ди ул. Аның дуслары, яхшылыгын үзенә меңе белән кайтарырга торган иптәшләре дә бихисап. Гаилә тормышында кайгыртучан ир, балаларына алыштыргысыз әти, оныкларына юмарт бабай да ул.
![](/images/stories/images/Nurzada_SAmigullin1.jpg)
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев