Кадерле кешебез СӘЛИМӘ БАРИ кызы ЗИННӘТУЛЛИНАНЫҢ 22 сентябрьдә туган көне

Ильнур, 22 сентябрь 2014 - 13:08

2460

Чапшар авылында яшәүче кадерле кешебез СӘЛИМӘ БАРИ кызы ЗИННӘТУЛЛИНАНЫҢ 22 сентябрьдә туган көне.

Сәлимә! Сине олуг юбилеең белән ихлас күңелебездән котлыйбыз. Сиңа иң мөһиме - ныклы сәламәтлек, хәерле озын гомер, тынычлыкта, муллыкта яшәвеңне теләп калабыз. Син безнең төп йортыбызның якты маягы, әниебезнең ныклы терәге, без сиңа бик-бик рәхмәтле. Кайчан гына килсәк тә, йөзең якты, шатланып каршы аласың, хәер-фатыйхаңны биреп озатып каласың. Моңарчы ничек матур яшәгән булсак, калган гомерләребезне дә бер-беребезгә кирәк һәм терәк булып, кайгы-шатлыкларны бергә бүлешеп яшәргә насыйп әйләсә иде Раббым. Ике кызың-ике йолдызың Гөлшат белән Ләйләнең, киявең Рифкатьнең игелекләрен күреп, оныкларың Зилә, Раяз, Азаматның шат авазларына куанып, озын-озак яшә әле, Сәлимә, бәхетле бул!

Иң-иң эчкерсез изге теләкләр белән Камаловлар, Габдрахмановлар, Мөхәммәтҗановлар.

Фото: http://lifeandjoy.ru/foto/225-krasivye-bukety-cvetov.html