Озак еллар «Сосна» җәмгыятендә баш агроном булып эшләүче олы хөрмәткә лаеклы хезмәттәшебез ИФРАТ ӘНВӘР улы САФИУЛЛИНның 3 сентябрьдә гомер бәйрәме – 60 яшьлек юбилее.

Җаны-тәне белән хезмәтенә тугры булып, басу-кырларга күңелен салган, авыл хуҗалыгы продукциясе җитештерүгә зур өлеш керткән Ифрат Әнвәровичка мактау сүзләреннән башка теләгебез юк. Сезнең кебек чын һөнәр остасы, эшегезнең алдынгысы, гаиләдә тырыш әти, үрнәк бабай бүгенгесе көндә бик сирәк. Хуҗалык уңышларына керткән өлешегез, фидакарь хезмәтегез өчен без Сезгә зур рәхмәтле. Алдагы тормышыгызны да ныклы сәламәтлек белән, кайгы-хәсрәтсез, бәхет-шатлыкта, ирешкән уңышларыгызның игелеген күреп, тормыш иптәшегез Рәхимә ханым белән балаларыгызның, оныкларыгызның игелеген күреп яшәргә язсын.