Түнтәр авылында гомер кичерүче әтиебез РӘФХӘТ ШӘКҮР улы ЗАРИПОВка 6 сентябрьдә 75 яшь тула.

Кадерле әтиебез! Таянычыбыз, горурлыгыбыз! Сине гомереңнең күркәм бәйрәме белән чын күңелдән тәбрик итәбез, тазалыкның иң ныгын, гомерләрнең иң озынын, шатлык-куанычның иң олысын телибез. Гомер юлларыңда гаиләңә, балаларыңа һәм дә кешеләргә кылган игелекләрең олыгайган көннәреңне бәрәкәтле нурга күмсә иде, тормышларың тагын да яктырып китсә иде. Газиз әниебез белән гел дә шулай күңелләрдә якты маяк булып, ышанычыбызны аклап, гаилә учагын күз карасыдай саклап яшәүләр насыйп булсын. Һәрбер көнеңне күңел саулыгы, иҗат байлыгы, рухи бөтенлек, матди камиллек белән үткәрергә язсын! Сәламәтлек мәңге ташламасын, бәхет, уңыш дигәннәре гел янәшә йөрсен. Балаларыңның игелеген күргән мәлдә, оныкларыңның яраткан бабасы, якыннарыңның кадерле кешесе булып, үз укучыларыңны яңадан-яңа мәгънәле язмалар белән куандырып яшәргә дә яшәргә язсын!