21 нче февраль — Халыкара туган тел көне

Ильнур, 21 февраль 2015 - 11:19

2641

ЮНЕСКО тарафыннан кабул ителгән әлеге бәйрәмне ел да үткәрү матур бер традициягә әверелде.

21 нче февраль — Халыкара туган тел көне

Ни өчен Халыкара туган тел көне итеп 21 февраль билгеләнгән сон? Эш шунда: 1952 елның 21 февралендә Пакыстанда банглы теленә дәүләт теле статусы таләп итеп көрәшкән 5 студент үтерелгән була. Билгеле булганча, Пакыстанның көнчыгыш өлеше соңрак Бангладеш бәйсез дәүләтенә әйләнә.

ЮНЕСКО Халыкара Туган тел көнен билгеләп үтүне хуплап чыга. Чөнки бу оешма дөнья халыкларының матди булмаган мирасын саклау өчен көрәшә, традицион яисә халык музыкасын, биюләрен, гореф-гадәт һәм йолаларны, авыз иҗатын һәм җирле халыкларның туган телләрен саклап калу буенча зур эшчәнлек алып бара.

Җир йөзендә бүгенге көндә 6000 тел бар дип исәпләнә. Шулардан иң күп санлы кешеләр тарафыннан кулланыла торганы - кытай теле, бу телдә 1,2 млрд. кеше сөйләшә, инглиз телендә - 478 млн, һинди телендә - 437 млн, испанда - 392 млн, рус телендә - 284 млн, гарәптә - 225 млн, португалда - 184 млн, француз телендә 125 млн кеше сөйләшә.

Чыганак: http://ktto.ru/