Абунәчеләребезне чакырабыз

"Хезмәт" барлык абунәчеләре арасында күләмле, файдалы призлар уйната. Әлеге чара 30 июнь, җомга көнне редакциябездә үтәчәк. Райондашларыбызны шикәр комы, сыек май һәм күләмле бүләкләр көтә.

Моның өчен квитанция күчерелмәләре белән редакциябезгә килү сорала. Ә инде үзләре килалмаучылар баручылар артыннан биреп җибәрә, яисә хат аша да юллый (адресыбыз 422250, Балтач бистәсе, Ленин урамы, 91 йорт), электрон почтага (BaltasiRed2005@yandex.ru) да күчермәсен сала ала. Әлегә кадәр язылмый йөргәннәр ашыксын иде, чөнки "Хезмәт"кә язылырга санаулы көннәр калып бара. Шул ук көнне, район почта бүлеге белән килешү нигезендә, редакциябезгә килеп язылу мөмкинлеге дә булачак. "Хезмәт"ле дә, саллы бүләкле дә буласыгыз килсә, бездән аерылмагыз, дуслар! Лотерея уенында актив катнашсагыз кайнар чәй, тәмле коймак белән дә сыйларбыз үзегезне. Башлана - 9 сәгатьтә.