Балтач үзәк хастаханәсендә гыйбадәт кылу бүлмәләре ачылды (фото, видео)
Пациентлар гыйбадәт кылу бүлмәләре өчен җитәкчелеккә рәхмәт белдерде.
Балтач үзәк район хастаханәсендә мөселманнар һәм православие динен тотучылар өчен гыйбадәт кылу бүлмәләре ачылды.
Гыйбадәт кылу бүлмәләре Татарстан Республикасы Мөселманнары Диния нәзарәтенең баш казые, Балтач районы имам мөхтәсибе Җәлил хәзрәт Фазлыев, Георгий Атакай, Балтач үзәк район хастаханәсенең баш табибы Газинур Дәүлиев, хастаханә коллективы, пациентлар катнашында ачылды.
– Без районыбызда яшәүче барлык дин вәкилләренә хөрмәт белән карарга тиеш. Гыйбадәт кылу бүлмәләре ачу район больницасы өчен зур эш. Бигрәк тә олы яшьтәге пациентларга хаталарны, тән сызлауларын җиңәргә һәм савыгырга ярдәм итә торган ышаныч кирәк. Олысы да-кечесе дә ярдәм һәм савыгу сорап Аллаһка мөрәҗәгать итә, – диде Балтач районы имам-мөхтәсибе Җәлил хәзрәт Фазлыев.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев