Балтачта ат чабышы сезоны ябыла. Кайчан?

7 октябрь — шимбә көнне «Сабантуй» паркы янындагы мәйданда сезон ябылу уңаеннан ат чабышы һәм механизаторлар арасында ярышлар узачак. Программага шулай ук трактор белән йөк күчерү бәйгесе дә кергән.

Бу ярыш ике яшьлекләр, чиста токымлы, ярымтокымлы айгырлар, бияләр һәм гарәп атлары, җирле атлар арасында үткәреләчәк. Чабышкылар 1200 — 1800 метр аралыктагы дистанцияләрдә көч сынашачаклар.

Җирлекләрдән җыелган командалар өчен ярышларга теркәлү иртәнге сәгать 9.00 — 10.00 сәгатьләр, ә ат чабышларына 9.30 — 10.50 сәгатьләр арасында башкарылачак.

Һәр җайдакка кагылышлы таләпләр:

• саклагыч шлем (каска);
• паспорт копиясе һәм медицина тикшеренүе хакында белешмә;
• 14 яше тулмаган җайдакларның әти-әниләреннән алынган рөхсәт язуы булу таләп ителә.