Балтачта социаль хезмәткәрләр исәп тотты(+фоторепортаж)
Районда хисап җыелышларын гадәттәгечә район социаль яклау бүлеге башлап җибәрде.
Бүген район социаль яклау бүлеге узган елга нәтиҗә ясап, агымдагы елга бурычлар билгеләде. Әлеге утырыш бүлек җитәкчесе Алсу Гатиятуллина һәм район башкарма комитеты җитәкчесе Айдар Хәйретдинов, бүлекчә җитәкчеләре, социаль хезмәткәрләр катнашында узды.
–Тормыш авырлыкларына дучар булып, ишегебезне шакыган һәркемгә без ярдәм итәргә тырышабыз. Шуңа күрә социаль өлкәдә озак еллар буена намуслы, гадел һәм үрнәк кешеләр генә эшли ала. Хезмәтебез белән очрашып, безгә бер тапкыр да ярдәм, киңәш яки консультация алырга килмәүчеләр районда сирәктер, – дип башлады хисап җыелышын бүлек җитәкчесе.
Субсидия һәм пособиеләр,"Наз" социаль хезмәт күрсәтү үзәге эшчәнлеге, балалар һәм гаиләләр белән эшчәнлек хакында оптимистик рухтагы чыгышлар, уңай нәтиҗәләр турында мәгълүматлар яңгырады. Әлеге бүлек узган елны шактый уңышлы тәмамлаган дигән нәтиҗәгә килергә мөмкин.
Җыелыш вакытында тагын ниләр турында сөйләштеләр, ниләр буенча хисап тоттылар - бу хакта “Хезмәт” газетасының алдагы саныннан укып белә алачаксыз.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев