Хәрби-диңгез флоты көне белән

Ильнур, 25 июль 2015 - 05:19

2929

Хәрби-диңгез флотында хезмәт итеп кайткан барлык райондашларны шушы күркәм бәйрәм көнебез белән кайнар котлыйм.

Тыныч тормышта да флоттагыча дус, бердәм булдык. Тормыш авырлыклары каршында югалып калмыйча, хезмәттә дә, гаиләдә дә ирләрчә нык басып, матур тормыш алып бардык һәм барабыз. Флотчы ветераннар оешмасының район советы рәисе буларак, сезнең һәркайсыгызны безнең өчен гаять истәлекле булган шушы көн белән котлыйм, үзегезгә һәм гаиләләрегезгә иминлек, татулык, сәламәтлек телим.

Һәм 26нчы июль көнне барыгызны да якыннарыгыз, туганнарыгыз белән бергә Балтачныӊ Казан юлы өстендәге «Ватан сугышчыларына» облексы янына чакырабыз. Биредә флотчыларның флагы күтәрелеп, аларга багышланган һәйкәл ачу тантанасы булачак. Тантана иртәнге 10.00 сәгатътә башлана. Флотчы райондашларыгызның нинди кыю, бердәм икәнлекләрен күрәсегез килсә, килегез. Бәйрәмдә урын һәркемгә түрдән булачак.

Наил Хөснетдинов,

флотчы ветераннарның

район оешмасы рәисе.

Фото: http://www.playcast.ru/view/6132753