Юл хуҗалыгы хезмәткәрләре көне белән!

Юлларны төзекләндерү — бүген районыбыз инфраструктурасы үсешендә төп юнәлешләрнең берсе. Сезнең хезмәт һәркемнең күз алдында. Алдыгызга зур бурычлар куелган һәм аларны үтәү өчен бар көчегезне, белемегезне, тырышлыгыгызны бирәсез. Кышын-җәен, нинди генә табигать шартлары булуга карамас-тан, юлларның торышын кайгыртасыз, кешеләрнең иминлеге һәм сәламәтлеге сезнең хезмәткә бәйле. Районыбызның юл челтәре үсешенә һәм халыкның тормыш шартларын яхшыртуга керткән хезмәтегез өчен чын күңелдән рәхмәтемне белдерәм. Киләчәктә дә катлаулы һәм җаваплы хезмәтегезне матур нәтиҗәләргә ирешерлек итеп башкарырга язсын сезгә. Хөрмәтле юл хезмәтчәннәре һәм тармак ветераннары! Һөнәри бәйрәмегез белән тәбрикләп, үзегезгә һәм якыннарыгызга нык сәламәтлек, бәхетле имин тормыш, күңел күтәренкелеге, җиңел булмаган хезмәтегездә зур уңышлар телим.

Рамил Нотфуллин, Балтач муниципаль районы башлыгы