Ихлас теләкләр

Борынгыдан ук халкыбыз язгы кыр эшләре тәмамлангач, табигатьнең яшеллеккә төренгән ямьле чагында җыелып бәйрәм итә торган булган. Бу күренеш һәр милләт халкына хас. Районыбызда гомер итүче удмурт милләте вәкилләре дә елның-елында үзләренең милли бәйрәме — Гырон быдтонны зурлап үткәрә. Эшкә тырыш, бердәм, милли җанлы удмурт халкын бәйрәм белән ихлас күңелдән тәбрик итәм. 

Бәйрәм рухы күңелләргә сүнмәс дәрт иңдерсен, һәр йортка иминлек, сәламәтлек китерсен. Тормышларында бәхет-шатлыклар мулдан булсын, хезмәт үрләрендә яңадан-яңа уңышларга ирешүләрен телим. Район тормышын тотрыклы шартларда яшәтүдә сезнең өлеш гаять зур. Киләчәктә дә бергә-бергә гел шулай дус-тату яшәргә, эшләргә язсын. Бәйрәмнәр котлы булсын!

Рамил Нотфуллин, Балтач муниципаль районы башлыгы.