Изге теләк, изге сүз

Хөрмәтле халыкны социаль яклау хезмәткәрләре, тармак ветераннары! Сезне һөнәри бәйрәмегез белән чын күңелдән тәбрик итәм!

Җәмгыятебез ничек кенә алга китмәсен, кайгыртуга мохтаҗ кешеләр даими янәшәбездә. Аларны яклауны һәм кайгыртуны социаль хезмәткәрләрдән башка гына башкарып булмас иде. Ялгыз өлкәннәребез, физик мөмкинлекләре чикле райондашларыбыз, ветераннарыбыз, ятим балалар, аз керемле гаиләләр дәүләтебез ярдәменә мохтаҗ. Социаль хезмәткәр булып бары тик күңеле рәхимле булган, үзен башкаларга багышлый алган кешеләр генә эшли ала. Әлеге һөнәр шәфкатьлелек, миһербанлылык, хезмәт сөю, кешеләрне ярату, хөрмәт итү кебек сыйфатларны үз эченә ала.

Районда социаль яклау бүлегенең тотрыклы эшчәнлеге булдырылган, социаль хезмәткәрләребезнең эшләренең сыйфатын яхшырту юнәлешендә камиллеккә омтылышлары зур. Янәдән бәйрәм белән котлап, районыбызның социаль хезмәткәрләренә җаваплы эшләрендә зур уңышлар, нык сәламәтлек, гаилә иминлеге, сабырлык, күңел матурлыгын җуймый яшәүләрен телим.

Рамил Нотфуллин, Балтач муниципаль районы башлыгы