Көн темасы
Өлешчә мобилизация төгәлләнде, нокта куелды
Россиядә өлешчә мобилизацияне тәмамлау турындагы Указ булмаска да мөмкин. Бу Саклану министрлыгы тәкъдиме һәм аның инициативасы буенча мобилизация туктатылды, дип аңлатты РФ Президенты Владимир Путин.
«Әйе, әлбәттә, бу минем указ белән эшләнде, чөнки закон буенча башкача мөмкин түгел, ләкин бу Саклану министрлыгы тәкъдиме буенча эшләнде. <...> Ә хәзер Саклану министрлыгы мобилизация чараларын тәмамларга тәкъдим итте», - дип сөйләде ул Сочида Азәрбайҗан Президенты Илһам Алиев һәм Әрмәнстан Премьеры Никол Пашинян белән очрашудан соң матбугат конференциясендә.
Путин сүзләренчә, башта Саклану министрлыгы чакыру өчен күпкә азрак санны атады, әмма аннары 300 мең кешегә тукталды. Хәзерге вакытта 41 мең мобилизацияләнгән - Россиянең Хәрби көчләрендә.
«Бу 259 мең - аларның бер өлеше гаскәрләрдә, ләкин хәрби хәрәкәтләрдә катнашмый, ә әзерлек узуын аңлата. Калган өлеше полигоннарда урнашкан. Ягъни якынча 260 мең кеше хәрби хәрәкәтләрдә бөтенләй катнашмый. Әзерлек уза», - дип искәртте ул РФ Саклану министрлыгы башлыгы Сергей Шойгу докладыннан.
Шуның белән илдә өлешчә мобилизация төгәлләнде дип йомгаклады дәүләт башлыгы.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Оставляйте реакции
Нет комментариев