Борнакта ремонт бара, .. музейга урын табылырмы?

Борнак мәдәният йортында ремонт бара, һәм биредә үк урнашкан китапханәдә дә төзекләндерү эшләре башланган. Бу китапханә кечкенә генә булса да, аның җитәкчесе Лилия Хәбибуллина авыл халкының, бигрәк тә яшь буынның аң-белемен арттыру юнәлешендә максатчан эш алып бара. Еллар дәвамында туплаган музей экспонатлары, һәм шул экспонатлардан торган китапханәнең бер почмагы аның тиңдәшсез хезмәте. Әлеге экспонатларның барысы да диярлек Борнак авылы кешеләреннән җыелган, алар авылның үткән тарихын чагылдыра. Тора-бара, шәт иншалла, бу музейга иркен урын табылыр.