Минем телем

Гасырларны кичкән бөек тел ул -
Татар теле, минем туган телем!
Дәрдемәнд, Тукай, Җәлилне дә
Бөек иткән шушы татар теле.

Даны аның еракларга киткән,
Зинданнарны ватып чыккан ул.
Себергә куылса да исән калып,
Көчле рухын саклый алган ул.

Шушы телдә сөйлим, укыйм, язам,
Горурланам туган тел белән.
Бетерергә күпме тырышсалар да,
Бирешмәсен аның мин беләм.

Аның матур, нәфис яңгырашы
Бишек җыры аша сеңгәндер.
Әби-бабам, әткәй-әнкәй теленең
Кадере буыннардан киләдер.

Татар теле - газиз анам теле,
Татар теле - ул бит мәңгелек!
«Татар» дигән бөек исемне
Саклый белик, булсын бердәмлек!