Рәхмәт сиңа, энергетик!

Якты һөнәр ияләре -
Энергетиклар алар.
Тараталар өч эченә
Һәрвакыт якты нурлар.

Урамнарда ут сүнсә дә,
Алар яктыртып китә.
Салкын дими, буран дими
Чакыргач килеп җитә.

Авыр һөнәр ияләре -
Энергетиклар алар.
Бәйрәмнәре уңаеннан
Һәйкәл куйсак та ярар.

Эшләү дәрте, хезмәт белән
Йөрәгең дөрләп яна.
Син балкыткан утлар белән
Яктырып кала дөнья.

Илем матур, тормыш якты
Сез ут биреп торганда.
Ничек рәхәт яшәүләре
Көннәр балкып торганда.

Рәхмәт сиңа, энергетик,
Җылытып яктыртканга.
Сезнең хезмәтегез белән
Матур һәм якты дөнья.