Алан халкына кукмаралылар Яңа ел күчтәнәче ясаган

Ильнур, 7 гыйнвар 2015 - 14:32

2398

5нче гыйнвар көнне Кукмара үзешчәннәре Алан авылы мәдәният йортында "Яңа ел күчтәнәче" исемле концерт программасы тәкъдим иткәннәр.

Алан халкына кукмаралылар Яңа ел күчтәнәче ясаган

Программада җыр-бию, юмор-сатира һәм тамашачылар белән уеннар оештырылган. Әниле-кызлы Халидә һәм Динара Николаевалар, Алмаз Харисов башкаруындагы җырлар, композитор һәм баянчы Илгиз Зарипов, концертны алып баручы Әмир Галәветдинов чыгышлары тамашачы күңеленә хуш килгән.

"Былтыргы концертларын да яратып кабул иткән идек. Бик кызганыч, быелгы концертка авыл халкы аз килде. Юкса, билет бәясе дә артык кыйммәт түгел - 100 генә сум тора иде. Кукмаралыларга рәхмәт, бик күңелле, матур тамаша булды! Уеннарда катнашып бүләкләр дә оттык", - дип хәбәр иттеләр Алан авылыннан.

Фото: http://krasnoselskoe.vbglenobl.ru/sites/default/files/vostok_006.jpg