Балтачта Алия сәйләннән беләзек үрү буенча мастер-класс уздырды (фото)

Җәй буе яшел болыннарга сибелгән ак кар бөртекләре кебек күзне иркәлиләр. Әлбәттә, сүзебез акчәчәкләр – ромашкалар турында.

Май аенда акчәчәкләр әле  үсмәсә дә,  11 май көнне Балтач Үзәк балалар китапханәсендә әлеге чәчәкләрне күрергә була иде. Өстәвенә, алар гади акчәчәкләр түгел, ә сәйләннән эшләнгәннәр.

VII “Профессионаллар” һөнәри осталык чемпионатының “Зәркәнчелек“ (“Ювелирное дело”) компетенциясендә җиңү яулаган китап укучыбыз Нәбиева Алия сәйләннән беләзек үрү буенча “Беләзегем, йөзегем” дип исемләнгән мастер-класс үткәрде. Чарада сәламәтлек буенча мөмкинлекләре чикле китап укучылар “Акчәчәк” беләзеген үрергә өйрәнделәр.