Бөрбашлылар Сабантуйга чакыра (видео)

Озын кышлардан соң коөтеп алган җәйләргә дә килеп кердек. 

Җәйнең тәүге бәйрәме Сабантуй да якынлашты. Бәйрәмгә әзерлек йөзеннән, шушы көннәрдә әрәпә җыйдык.

Әрәпә җыюда катнашкан ясле-бакча коллективы кызларына, гармунчыларга, атчыга, егет-кызларга зур рәхмәтләребезне җиткерәбез.
Рәхмәт бәйрәмгә ямь өстәгән барлык балаларга.

Сабантулар гөрли авылларда
Халкыбызның милли бәйрәме.
Гармуннары, җыр-моңнары белән
Саклый халкым гореф-гадәтне.

Бөрбаш Сабантуе 7 июнь көнне 14.00 сәгатьтә башлана. Барыгызны да милли бәйрәмебез Сабантуйга көтеп калабыз. Җыр-биюләрдә, күңелле уеннарда катнашып, һәммәгезгә дә Сабантуй бүләкләре алырга насыйп булсын.

Рәзилә Хөсәенова,

Бөрбаш авылы