Чапшар балалары үзенчәлекле рәсемнәре белән үз фикерләрен белдергән (фото)

Ильнур, 21 июнь 2017 - 13:46

2544

26 майдан 26 июньгә кадәр наркотик матдәләр куллануга һәм аларның законсыз әйләнешенә каршы Халыкара көрәш айлыгы уңаеннан «Наркотикларсыз тормыш» исеме астында Чапшар авыл клубы һәм Кили күчмә китапханәсе белән берлектә балалар белән асфальтка рәсем ясау конкурсы оештырдык.

Чапшар балалары үзенчәлекле рәсемнәре белән үз фикерләрен белдергән (фото)

Балаларга психоактив матдәләрнең кешегә тәэсире турында, сәламәт яшәү рәвешен пропагандалау, наркотиклар кешеләрнең, бигрәк тә яшь буынның физик, әхлакый сәламәтлегенә зур куркыныч тудыруын аңлаттык. Ел саен наркотиклардан 100 мең кеше үлә, Россиядә 33 секунд саен бер кеше спиртлы эчемлекләр эчеп үлә, Россиядә тәмәке тартудан ел саен 400 кеше үлә, ә ел саен Россиядә ВИЧлы аналардан 10 меңгә якын бала туа дигән куркыныч фактлар балаларда нәфрәт тудырды. Алар асфальтка рәсем ясауга зур кызыксыну белән, чын күңелдән бирелделәр, "Менә без ясаган бу рәсемнәрне зурлар да, яшьләр дә күрсеннәр әле, аңласыннар наркотикларның нинди зыянлы икәннен", - дип берсеннән-берсе уздырып сызгаладылар.