Күршеләрдә кунакта

Ильнур, 10 октябрь 2015 - 17:19

2472

Түбән Кенә авылы үзешчәннәре ызандаш арчалылар белән мәдәнияттә гел аралашып яшиләр, бер-берсенә барып, концерт-спектакльләр куялар.

Кыскасы, күңелле яшиләр. Кичә менә Пешәңгәр авылы өлкәннәрен куандырып кайтканнар. Олылар бәйрәме ункөнлеге уңаеннан, концерт күбрәк өлкәннәр чыгышларыннан тора. Һәр номерны да тамашачы яратып кабул иткән, көчле алкышларга күмгән, иртәгә Шубан тамашачысы алдында чыгыш ясарга җыеналар.

"Номерларыбыз бик әйбәт, әрәм итәсе килми, район тамашачысына да күрсәтәсе килә", - ди Кадрия Галимуллина.- Тик менә чирләп киттеләр әле. Тутап тормыйча булмас".

Мондый күркәм, матур артистларга күз дә тиядер инде... Сәламәтлек телик аларга. Безгә дә чыгышларын күрү насыйп булсын.