Рабит Батулла Бөрбашта нәрсә тапкан (+фоторепортаж)

Күренекле язучы Рабит Батулланыӊ Бөрбаш якларына килеп чыгуы нәрсә белән бәйле соӊ? Бу олпат әдипнеӊ әдәбиятның төрле жанрларында ижат иткәнен барыбыз да беләбез, аныӊ Коръән тәфсире дә иӊ тулылардан санала. Актер, шул ук вакытта режиссер, драматург, прозаик, балалар язучысы буларак танылган шәхес соӊгы вакытларда кино сәнгатендә дә танылды.

Бөрбаш авылына килүе дә нәкъ кино сәнгате белән бәйле икән. 22 июнь көнне Казанда Бөек Ватан сугышыныӊ башлану көненә багышлап күрсәтелгән «Мәхәббәт алмасы» исемле нәфис фильмы премьерасы булып узды. Икенче көнне бу фильм районда беренчеләрдән булып Бөрбаш авылы укучыларына, укытучыларына тәкъдим ителде. Бөрбаш мәктәбе җитәкчесе Гүзәлия Бариеваныӊ бу юнәлештә дәвамлы эшләвен искә алырга кирәк. Менә ничә еллар инде, район кино челтәре дирекциясе белән килешеп, районга кайткан фильмнарныӊ премьерасы Бөрбашта уздырыла. «Мәхәббәт алмасы» фильмында төп рольне уйнаган Рабит Батуллага карау башланганчы да, фильм беткәннән соӊ да сораулар күп булды. Бугенге көн белән сугыш чоры белән үрелеп барган вакыйгалар залда беркемне дә битараф калдырмады.Күӊелләрне айкый, төрле хисләр тудырган татарча бу фильмныӊ эчтәлеген сөйләп тормыйбыз, аны карарга кирәк.