Зилә Мәскәү сәхнәсендә чыгыш ясаячак

Быел Мәскәү каласында совет һәм Рәсәй дирижеры, скрипкачы, педагог, СССРның халык артисты, «Ватан алдындагы хезмәтләре өчен» орденының тулы кавалеры Владимир Спиваков исемендәге Халыкара Хәйрия фондының масштаблы проекты - «Мәскәү дусларын каршылый» дигән унтугызынчы халыкара фестивале үтәчәк. Әлеге дәрәҗәле фестивальдә безнең районнан да катнашучы бар – ул Балтач сәнгать мәктәбенең талантлы укучысы, уңыш үрләрен яулый баручы Зилә Хәмитова. Зилә инде фестивальгә чакыру алган, фестиваль көзге чорда булыр дип көтелә.