Балтач мөгаллимнәре Бөтенроссия «Туган тел» форумында катнашты (фото)

12-14 ноябрь көннәрендә Бөтендөнья татар конгрессы Татарстан Республикасы Мәгариф һәм фән министрлыгы белән берлектә Казанда I Бөтенроссия «Туган тел» форумын уздырды.

Форумга Россия Федерациясенең 28 төбәгеннән һәм Татарстан Республикасыннан 800 гә якын делегат чакырылды.

Форумда мәгариф идарәсе методисты Ф. Т Сабирова, Карадуган гимназиясе директоры Г. Ф. Зарипова, Кенә төп мәктәбе директоры Р. В. Низамиев, Балтач мәктәбенеӊ татар теле һәм әдәбияты укытучысы Г. И. Хәйруллина, Түнтәр мәктәбенеӊ татар теле һәм әдәбияты укытучысы Л. М. Нәкыйпова, "Мәктәптән тыш эшләр үзәге«неӊ өстәмә белем бирү педагогы Р. Ф. Бәдретдинов, Чепья балалар бакчасы тәрбиячесе Халилова Э. Ш. катнашты.

14 нче ноябрь көнне Казан шәһәренеӊ «Корстон» сәүдә-күңел ачу үзәгендә Татарстан Республикасы Рәисе Р. Н. Миңнеханов катнашында форумның пленар утырышы узды. Чарада Б. Зыятдинов исемендәге Карадуган гимназиясе директоры Зарипова Гөлсинә Фаил кызына «Татарстан Республикасыныӊ Атказанган укытучысы» дәүләт бүләге тапшырылды.