Балтач гимназиясе 19 гасырның әдәби балында бөтерелә (фото)

Йөрәкләр башкача типте, күңелләр башкача уйланды. Укытучылар яшьлеккә кайтса, укучылар бүген бу вакыйганың төп катнашучылары булуларына чын күңелләреннән шатланды. Нинди вакыйгамы? Әдәби бал (Литературный бал)... Зал 19 гасыр стилендә бизәлгән, күз явын алырлык егетләр һәм кызларның елмаюлы йөзләре күңелгә җылылык өсти. Сәхнәдә әле генә вальс әйләнсәләр, шул минутта романс яңгырый башлый, биюләр: полонез, кадриль, мазурка, контрданс, котильон - берсен-берсе алыштырып җилкендерә, дөньяны оныттыра. Балда иң бәхетле кыз белән егет Камилә белән Аяз булгандыр мөгаен, чөнки алар иң саф, иң матур, иң итәгатьле парларның берсе дип билгеләнде. Балдан һәр кеше җылы күңел һәм чиста хисләр белән таралды.