Мәгариф
Без, 2а сыйныф укучылары, Чепья музеена сәяхәт кылдык
Без, 2а сыйныф укучылары, 22 ноябрь көнне Чепья авылындагы музейга экскурсиягә бардык. Анда элекке заманда эшләнелгән яки кайчандыр табылган экспонатларны күрдек.
Миңа бигрәк тә музейның табигать турындагы бүлеге ошады. Анда без белмәгән күп төрле җәнлекләр һәм кошлар да бар иде. Безнең республика урманнарында шундый төрле-төрле җәнлекләр яши дип уйламый да идем.
Безгә аеруча мавыктыргыч итеп Бөек Ватан сугышы турында сөйләделәр. Сугыш кораллары, орден, медальләр белән таныштырдылар. Безнең районнан да Бөек Ватан сугышында катнышучы солдатлар герой исеменә лаек булганнар. Аларның батырлыгы миндә горурлык хисләре уятты.
Музейга баруны оештырган сыйныфташыбыз Мәрьямнең әтисе Шәрифуллин Фәрит абыйга зур рәхмәт әйтәсем килә.Минем өчен бу көн бик истәлекле булып калды.
Динара Кәримова
Балтач мәктәбе
2а сыйныф укучысы
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Оставляйте реакции
Теги: 250
Нет комментариев