“Без бүген килмибез”, яки “Баламны обедта алам” 

Бу хакта шалтыратулар, әйтүләр, үзара сөйләшүләр күп булды, әмма тик бер генә әни “Хезмәт”кә мөрәҗәгать итәргә батырчылык тапты.

Әйе, чыннан да, балалар туңа. Көннәр яңгырлы, салкын булганлыктан, бакчаларда бүлмәләр суык. “Йөртмичә торсагыз гына инде диләр безгә, – ди бер әни (исемемне әйтә күрмәгез, ди).– Эштәге кеше кая куйсын ул баласын, бакчалар шуңа күрә оештырылган, илгә батырлар тәрбиялибез дип кенә түгел. Акчасын түлибез, нинди генә очрак та да сүз әйтмибез...” 
Ягулык сезоны башлануга әле ерак, шулай да әти-әниләрнең моң-зарына игътибар ителмичә калынмас дип уйлыйбыз. Социаль челтәр группаларында “Без бүген килмибез”, яки “Баламны обедта алам”, “Бүлмә температурасын төшереп җибәрегез әле”, дигән язулар йөри.