Чын күңелдән (+фоторепортаж)

Уртанчылар-зурлар төркемендә үткән "Йөрәгем түрендә - әнием!" бәйрәм иртәсен дә мактап язмасак дөрес булмас иде. Заманга туры китереп, тирән эчтәлектә, кызыклы итеп оештырылган әлеге бәйрәм - телеуеннар кебек алып барылуы гына да ни тора бит. Һәр чыгыш миллилек белән бер рәттә, гореф-гадәтләребезне, туган телебезнең матурлыгы, иң кадерле кешеләребез - әниләргә тирән ихътирам белән үрелгән.

Икенче өлеше инде онытылып бар язган , милли калфакларыбыз тарихы белән башланды. Үзебезнең музей директорыбыз Фирая Зыятдинованың чыгышын яратып, кызыкыснып тыңладык. Соңыннан балалар белән берлектә кызлар өчен калфак, малайларга милли бизәкләр кулланып кулъяулык чигү буенча мастер-класс үткәрелде. Бәйрәмне тәрбияче апаларыбыз - Наҗия Әдһәмовна һәм Эльмира Шәкуровнаның махсус тегелгән күлмәкләрдән һәм калфаклар киеп алып барулары да әлеге бәйрәмнең тәрбияви чарасы иде.

Зур тырышлык куеп, күңел җылыгызны балаларыбызга биреп,бүгенге заман таләпләрен үтәп, югары дәрәҗәдә белем һәм тәрбия биргәннәре өчен, гел яңарышка омтылган көчле,бердәм коллективка зур рәхмәтебезне җиткерәбез.

Карадуган балалар бакчасының уртанчылар-зурлар төркеме әниләре.