Каз өмәсеннән канат белән кайтканнар (фото)

Бакча хезмәткәрләре һәр бәйрәмне үзенчәлекле итеп үткәрергә тырыша. Быелгы "Әниләр бәйрәме"н исә "Каз өмәсе" итеп үткәрделәр. Кунакка төрле яклардан төрле милләт вәкилләре килгән иде. Балаларыбызның төрле телләрдә саф итеп сөйләшүләрен, шул халык биюләрен оста итеп башкаруларын күреп, сокландык. Бәйрәм ахырында балаларыбыз каурыйлардан үз куллары белән ясаган таба майлагыч бүләк иттеләр. Бар җирен китереп, һәр моментына кадәр уйлап эшләнгән бәйрәм кичәсеннән әниләр бик канәгать калды. Тәрбиячеләр Эльвира Абдуллина белән Әлфия Мәрдановага, музыка укытучысы Илсөяр Ибраһимова һәм бию серләренә төшендерүче Марина Муллагалиевага барлык әти-әниләр исеменнән ихластан рәхмәт белдерәбез.

Гөлсура Сабирова