Район мәгариф өлкәсендәге кайбер күрсәткечләр

Мәгариф өлкәсендә 1658 кеше хезмәт куя, шуларның 1008е педагогик хезмәткәр, 561е укытучы. Педагогларның 60ы - «Мәгарифтәге казанышлары», 2се - «РФ гомум мәгарифенең мактаулы хезмәткәре» күкрәк тамгасын, 6сы «ТР атказанган укытучысы» исемен йөртә. 60 укытучы Рәсәй һәм 176 педагог Татарстан Мәгариф һәм фән министрлыгының Мактау таныклыгына ия.

* * *

Быел район мәктәпләренә 5 яшь белгеч: Чепья урта мәктәбенә тарих һәм математика, Арбор төп мәктәбенә музыка, Субаш төп мәктәбенә биология-химия, Карадуган урта мәктәбенә рус теле укытучысы, эшкә кайтты.

* * *

Район фән олимпиадаларында 1544 укучы катнашты, шуларның 184е призлы урыннар яулады. Иң яхшы күрсәткечләргә гимназия, Балтач һәм Нөнәгәр мәктәпләре ия булды.

* * *

Безнең укучылар гомумроссия олимпиадасының региональ этабында - 2, республика олимпиадасының йомгаклау этабында 11 призлы урын яулады.

* * *

Быелгы уку елы Татарстан Республикасында математика елы буларак игълан ителгән иде. Казанда үткән «Умники и умницы» уенының финал өлешендә Балтач урта мәктәбе укучысы Булат Карипов җиңүче булды.

* * *

Районда бер өстәмә белем бирү учреждениесе эшләп килә. Быелгы уку елында мәктәп һәм мәктәптән тыш эшләр үзәге базаларында 62 берләшмәдә 2010 бала шөгыльләнде.