Соснаның чыгарылыш сыйныф укучылары кабат укырга килгән?!

Сосна мәктәбендә очрашу кичәсе булды.
Мәктәп еллары! Гаҗәеп күңелле, истәлекле, онытылмас еллар! Беренче кыңгырау! Беренче дәрес! Беренче укытучы! Беренче тапкыр мәктәп бусагасын атлап кергән көн һәркемнең күңел түрендә иң якты истәлекләрнең берсе булып сакланып кала. Шушы хис Сосна мәктәбен төрле елларда тәмамлаган укучыларны очрашу кичәсенә җыйды. Хатирәләрне барлау, үткәннәргә сәяхәт кичәнең иң кульминацион ноктасы булды. Элек укыган классларына кермичә калган бер генә чыгарылыш та булмады ул көнне. Һәркем үз урынына утырып карады, яраткан укытучыларын тыңлады. Кичә мәктәпнең төрле сыйныфларында белем алучы укучыларның чыгышлары белән үрелеп барды.