«Тургай» балалар бакчасында Салаховлар гаиләсе шашка турниры уздырган (фото)

Күптән түгел «Тургай» балалар бакчасында шашка турниры булып узды. Турнирны Салахова Риананың әти-әнисе уздырган.

Уку елы дәвамында, һәр атна саен, Риананың әтисе — Салахов Ленар, шашка түгәрәгендә балаларга уен серләрен өйрәтте.

Турнир тантаналы һәм дус атмосферада үтте. Уенда 16 бала катнашты. Дулкынлануны җиңеп, һәр катнашучы җиңүгә омтылды. Уен барышында балалар көндәшләренә карата яхшы мөнәсәбәттә булдылар. Соңыннан, уен нәтиҗәләре буенча, җиңүчеләрне билгеләделәр!

Малайлар арасында җиңүчеләр:
1 урын — Габдрахманов Муса
2 урын — Шакиров Азат
3 урын — Фәйзрахманов Адель

Кызлар арасында:
1 урын — Салахова Риана
2 урын — Зиганшина Сәминә
3 урын — Йосыпова Мәликә

Уенда катнашучы калган балаларга истәлекле бүләкләр тапшырылды. Уенны оештыручы Салаховлар гаиләсенә чиксез зур рәхмәтебезне белдерәбез. Шашка түгәрәге киләсе уку елында да дәвам ителсен иде дигән теләктә калабыз, дип хәбәр итәләр тәрбиячеләр Абдуллина З. С., Файзрахманова Г. Р.