Юллар имин булсын (фото)

Шушы айлык кысаларында балалар бакчаларында да күп чаралар уздырыла. Мисал өчен, Кариле авылы балалар бакчасының уртанчылар төркемендә "Юллар имин булсын" дигән шөгыль уздырылды. Шөгыльнең максаты - балаларның юл йөрү кагыйдәләре буенча алган белемнәрен тирәнәйтү һәм ныгыту, кагыйдәләрне үтәргә күнектерү, уеннар аркылы балаларның фикер йөртү сәләтен үстерү иде. Шулай ук әти-әниләр өчен юл йөрү кагыйдәләре буенча мәгълүмат тупланган стенд та куелды, юл-транспорт һәлакәте булдырмау турында әңгәмәләр уздырылды.

Юлда йөргәндә игътибарлы булу турында уен-дәресләр балалар бакчасында бер ай дәвамында гына түгел ел буе алдан планнаштырып алып барыла. Дәресләргә әкият персонажлары "килү", заманча информацион технологияләрне куллану балаларның игътибарын тупларга, аларны активлаштырырга ярдәм итә.

Кариле балалар бакчасы тәрбиячеләре

Фирдания Зарипова,

Илсөяр Газизова фотолары.